Sý dobynan álem chempıonatynda Qazaqstan quramasy qaı orynǵa ıe bolǵandyǵy anyqtaldy
NUR-SULTAN. QazAqparat - Sý dobynan álem chempıonatynda Qazaqstan áıelder quramasy qaı orynǵa ıe bolǵany anyqtaldy, dep habarlaıdy QazAqparat tilshisi.
Dúbirli doda Vengrııa astanasy - Býdapesht qalasynda sý sporty túrlerinen álem chempıonaty aıasynda uıymdastyryldy.
Elimizdiń áıelder quramasy D tobynda Avstralııa, Jańa Zelandııa jáne Brazılııamen sheberlik baıqasty. Avstralııaǵa 6:19, Jańa Zelandııaǵa 11:15 esebimen jol berse, Brazılııany 10:6 esebimen tize búktirdi .
Óz tobynda úshinshi oryn alǵan qazaqstandyq sportshylar jarystyń pleı-off satysynda Ispanııaǵa 1;14, 9-12 oryndar úshin saıysta Kanadaǵa 11:19 esebimen jeńildi. Al 11 oryn úshin básekede Argentınadan 12:6 esebimen basym tústi.
Erler arasyndaǵy saıysta D tobynda oınaǵan qazaqstandyq sportshylar úsh kezdesýde de jeńilip, toptyq kezeńnen asa alǵan joq.
Áıelder arasyndaǵy álem chempıonaty 2 shildede máresine jetedi.
