Sý doby: Qytaıdaǵy Álem chempıonatynda qazaqstandyqtar upaı joǵaltýda
ALMATY. 21 shilde. QazAqparat /Erlik Erjanuly/ - Qytaıdyń Shanhaı qalasynda sý sporty túrlerinen Álem chempıonaty ótip jatyr.
16 shilde kúni jalaýyn kótergen bul baıraqty básekede qazaqstandyq sý doby sheberleri toptyq kezeńdegi alǵashqy 4 oıynda da jeńilis tapty. Sergeı Drozdov jattyqtyratyn erler quramasy Ispanııaǵa 5:18, al Vengrııaǵa 5:16 esebimen utyldy. Endi Nıderland pen Vengrııaǵa ese jibergen áıelder quramasy aqyrǵy oıynyn AQSh, al erler quramasy Chernogorııa sportshylarymen ótkizedi. Odan keıin óz tobynda alǵashqy úshtikke engender negizgi synda 1-12-shi oryndarǵa, al 4-oryn alǵandar 13-16-shy oryndarǵa talasady. Aqtyq syndar onda 30 shilde kúni ótedi.
