Sý doby: Qazaqstan jigitteri Aýstralııadan jeńilip qaldy
NUR-SULTAN. QazAqparat - Ońtústik Koreıanyń Kvandjý qalasynda ótip jatqan sý dobynan álem chempıonatynda elimizdiń erler quramasy ekinshi kezdesýinde Aýstralııadan jeńilip qaldy, dep habarlaıdy QazAqparat tilshisi.
Esterińizge sala ketelik, erler quramasy V tobynda synǵa túsip jatyr. Qarsylastary - AQSh, Horvatııa jáne Aýstralııa quramalary.
Búgingi kúnge deıin olar ıspan vaterpolshylarynan 7:16 esebimen jeńilip qalǵan edi . Jigitter álem chempıonatynda 7 márte baq synap jatyr. Ázirge eń joǵary jetistigi retinde 1998 jyly 11 oryn alǵany sanalady. Endi bizdiń jigitter 19 shildede 19 shildede Horvatııamen kezdesedi. Búgin V tobyndaǵy taǵy bir kezdesýde Horvatııa AQSh-ty 17:7 esebimen jeńdi.
Sondaı-aq, álem chempıonatynda elimizdiń qyzdar quramasy da eki kezdesý ótkizip úlgerdi. Qyzdar aldymen Kýbadan 9:6 esebimen basym túsip, odan keıin Ispanııadan 8:16 esebimen jeńilip qaldy. Endi qyzdar 18 shildede Grekııamen sheberlik baıqasady.
