Sý doby: Qazaqstan qyzdar quramasy Olımpıada joldamasyna talasady
NUR-SULTAN. QazAqparat - Sý dobynan Qazaqstan áıelder quramasy Italııanyń Trıest qalasynda Tokıo olımpıadasyna irikteý týrnırinde baq synaıdy, dep habarlaıdy QazAqparat tilshisi.
Oıyndar 19-24 qańtar aralyǵynda ótkiziledi. Qazaqstan quramasy V tobynda synǵa túsedi. Qarsylastary - Grekııa, Vengrııa jáne Izraıl quramalary. Qazaqstandyq sportshylar 19 qańtarda Grekııamen sheberlik baıqassa, 20 qańtarda Vengrııamen oınaıdy. Al 21 qańtarda Izraılmen kezdesedi.
Al A tobynda Nıderlandy, Italııa, Frantsııa jáne Slovakııa quramalary saıysqa túsedi.
Odan keıingi kúnderde pleı-off kezeńi ótkiziledi. Olımpıadaǵa eki joldama beriledi.
Esterińizge sala ketelik, Qazaqstan quramasy Olımpıadada eki márte baq synady. 2000 jyly - 6, 2004 jyly - 8 oryn aldy.
