Sý doby: Qazaqstan quramasy Italııa sportshylaryna ese jiberip aldy
ASTANA. 4 tamyz. QazAqparat - London Olımpıadasynda tórtinshi kezdesýin Italııamen ótkizgen sý polosynan Qazaqstan quramasy 9:6 esebimen jeńilis tapty.
Qazaqstan komandasy sapynan Sergeı Gýbarev, Ravıl Manafov bir-bir goldan salsa, Evgenıı Jılıaev pen Alekseı Shmıder eki retten kózge tústi.
London Olımpıadasynda Qazaq eliniń namysyn qorǵaýǵa attanǵan sportshylarymyz munyń aldynda Grekııa, Ispanııa jáne Avstralııa quramalarymen kezdesý ótkizip, qarsylastaryna ese jibergen bolatyn. Kelesi match 6 tamyzda Horvatııa quramasymen ótedi.
Eske sala keteıik, bizdiń vaterpolshylar A tobynda Ispanııa, Horvatııa, Italııa, Avstralııa, Grekııa qurama komandalarymen bir topta óner kórsetýde. Ázirshe top kóshinde 8 upaımen Horvatııa quramasy kósh bastap tur.
