Sý doby: Qazaqstan quramasy álem chempıonatynda Ispanııadan súrindi
NUR-SULTAN. QazAqparat - Ońtústik Koreıanyń Kvandjý qalasynda ótip jatqan sý dobynan álem chempıonatynda erler quramalary alǵashqy kezdesýin ótkizdi, dep habarlaıdy QazAqparat tilshisi.
Oǵan bizdiń jigitter de qatysyp jatyr. Qazaqstan quramasy V tobynda synǵa túsedi. Qarsylastary - AQSh, Horvatııa jáne Avstralııa quramalary. Bizdiń vaterpolshylar búgin alǵashqy kezdesýin Ispanııaǵa qarsy ótkizdi. Oıynda ıspandar 16:7 esebimen jeńiske jetti. Endi bizdiń jigitter 17 shildede Avstralııamen sheberlik baıqasady. Avstralııa búgin Horvatııadan 4:14 esebimen súrindi.
Jigitter álem chempıonatynda 7 márte baq synap jatyr. Ázirge eń joǵary jetistigi retinde 1998 jyly 11 oryn alǵany sanalyp otyr.
Esterińizge sala ketelik, keshe 14 shildede sý dobynan Qazaqstan qyzdar quramasy Kýbadan 9:6 esebimen basym tústi . Endi olar 16 shildede Ispanııamen oınaıdy. Qazaqstandyq qyzdar álem chempıonatyna altynshy márte qatysyp jatyr. Olar 2001 jyly segizinshi oryn aldy. Búgingi kúnge deıin odan joǵary jetistikke jetken joq.
Aıta ketsek, 12 shildede Ońtústik Koreıanyń Kvandjý qalasynda sý sporty túrlerinen álem chempıonaty bastaldy. Dúbirli doda 28 shildege deıin sozylady. Álem chempıonatynda sýǵa sekirý, haı-daıvıng, ashyq sý aıdynyndaǵy sýǵa júzý, sýǵa júzý, sınhrondy júzý, sý dobynan jarystar ótkiziledi.
