Sý doby: Azııa chempıonatyna elimizdiń erler jáne áıeder quramalary qatysady
ASTANA. QazAqparat - Sý dobynan elimizdiń erler jáne áıelder quramasy Taılandta ótetin Azııa chempıonatyna qatysady, dep habarlaıdy QazAqparat tilshisi.
Qurlyqtyq doda bıylǵy jyldyń 7 jáne 14 qarasha aralyǵynda ótedi. Onda erler arasynda 11, áıelder arasynda 7 qurama baq synaıdy dep josparlanyp otyr.
Erler arasynda Taıland, Ózbekstan, Iran, Qytaı, Sıngapýr, Kýveıt, Japonııa, Gonkong, Ońtústik Koreıa, Úndistan jáne Qazaqstan ózara sheberlik baıqasady.
Al áıelder arasynda Taıland, Ózbekstan, Qytaı, Sıngapýr, Japonııa, Ońtústik Koreıa jáne Qazaqstan júldelerdi sarapqa salady.
Bul Japonııanyń Fýkýoke qalasynda ótkiziletin álem chempıonatyna irikteý satysy bolmaq.
Eske salsaq, bıyl sý dobynan álem chempıonatynda elimizdiń áıelder quramasy 11-oryn aldy.
