Sý dobynan sportshylarymyz Azııa birinshiliginiń jartylaı fınalyna shyqty

ASTANA. KAZINFORM – Fılıppın eliniń Nıý-Klark-Sıtı qalasynda ótip jatqan sý sporty túrlerinen ár túrli jas sanatyndaǵy XI Azııa chempıonatynda sý dobynan synǵa túsip jatqan Qazaqstan erler jartylaı fınalǵa shyqty.

Naqtyraq aıtsaq, sý dobynan Qazaqstan uldar quramasy toptyq kezeńniń sońǵy oıynynda Malaızııany oısyrata utyp, jartylaı fınalǵa shyqty. Esep – 25:3.

Endi 1/2 fınalda jigitterimiz Japonııamen kezdesedi.

Sý doby. Uldar. Toptyq kezeń. 4-oıyn

Qazaqstan - Malaızııa 25:3 (6:2, 3:0, 8:0, 8:1)

Goldar:

Nıkolaı Babenko – 5 

Nurasyl Satbergen, Kırıll Panteleev - 4

Egor Beloýsov - 3

Dáýren Álı, Nurjas Nurtaza, Aldııar Álkimbaı – 2 

Ál-Farabı Qubaıdolla, Almat Madımar, Ádil Baltabekuly – 1.

Esterińizge sala keteıik, osyǵan deıin sý dobynan synǵa túsken Qazaqstan qyzdar quramasy Qytaı quramasynan 9:14 esebimen jeńilip qalǵanyn jazǵan bolatynbyz.

Atalǵan Saryqurlyq dodasyna 45 memleketten 12-18 jas aralyǵyndaǵy jas sportshylar men eresekter qatysyp jatyr. 

26 aqpan kúni bastalǵan Azııa chempıonaty 9 naýryz kúni máresine jetedi.