Sý dobynan qazaqstandyq áıelder álem chempıonatyn jeńispen bastady

ASTANA. KAZINFORM – Búgin Dohada Parıj Olımpıadasynyń sońǵy joldamalary sarapqa salynatyn álem birinshiligine qatysyp jatqan Qazaqstan áıelder quramasy alǵashqy oıynyn jeńispen bastady.

Jerlesterimiz 1-týrda Brazılııa quramasynan basym tústi. Esep- 10:10 (1:2, 2:2, 5:3, 2:3) býllıt: 6:5.

2023 jylǵy ózgeris boıynsha, toptyq kezeńde teń túsken jaǵdaıda jeńimpaz býllıt serııasy arqyly anyqtalady.

Endi arýlarymyz 6 aqpan kúni ótken jylǵy álem chempıony Nıderland komandasymen ózara myqtyny anyqtaıdy.

Qazaqstan áıelder quramasy A tobynda Brazılııa, AQSh, Nıderland quramalarymen ózara synǵa túsip jatyr. 

Jalpy Parıj Olımpıadasynda erler 12, áıelderden 10 qurama baq synaıdy.

Aıta keteıik, Parıj Olımpıadasy 2024 jyldyń 26 shildesi men 11 tamyzy aralǵynda ótedi.