Sý dobynan Qazaqstan erler quramasy Azııa chempıonatynyń qola júldegeri atandy

ASTANA. KAZINFORM - Úndistannyń Ahmedabad qalasynda sý sporty túrlerinen (júzý, sýǵa sekirý, ártistik júzý, sý doby) ótken Azııa chempıonaty óz máresine jetti, dep habarlaıdy Sport komıtetiniń baspasóz qyzmetine silteme jasap.

Baspasóz qyzmetiniń málimetterine qaraǵanda, sý dobynan Qazaqstan erler quramasy qola medal úshin ótken kezdesýde Japonııa komandasymen baq synasyp, 16:14 esebimen jeńiske jetip, úshinshi orynǵa ıe boldy.

Azııa chempıonatyndaǵy Qazaqstan quramasynyń nátıjeleri: Qurlyqtyq birinshiliktiń qorytyndysy boıynsha qazaqstandyq sportshylar jalpy 23 medal jeńip aldy:

Júzý – 1, 5 , 4

Ártistik júzý – 7 , 2 , 2

Sý doby – 2 (erler jáne áıelder quramalary)

Jalpy medal sany boıynsha Qazaqstan ekinshi orynǵa turaqtady. 54 medal ıelengen Qytaı quramasy top jarsa, úzdik úshtikti 20 júldemen Japonııa komandasy túıindedi.

Osyǵan deıin sý dobynan Qazaqstan áıelder quramasy Azııa chempıonatynyń qola júldesin jeńip alǵany týraly jazdyq.