Sý dobynan Qazaqstan erler quramasy Azııa chempıonatynyń qola júldecin ıelendi
ASTANA. KAZINFORM - Qytaıdyń Chjaotsın qalasynda erler men áıelder arasynda vaterpoldan Azııa chempıonaty ótip jatyr. Atalǵan dodada Qazaqstan erler quramasy úzdik úshtikten kórindi.

Naqtyraq aıtsaq, búgin sý dobynan Qazaqstan erler komandasy Qytaıdyń Chjaotsın qalasynda ótip jatqan Azııa chempıonatynda qola medal úshin Iranǵa qarsy oınaǵan bolatyn. Nátıjesinde qarsylastaryn 16:14 esebimen qapy qaldyryp, qola medalǵa qol jetkizdi.
Qazaqstan erler quramasynyń Azııa chempıonatyndaǵy nátıjesin nazarlaryńyzǵa usynamyz:
1995 jyly - altyn
2000 jyly - altyn
2005 jyly - qola
2009 jyly - kúmis
2012 jyly - altyn
2015 jyly - qola
2016 jyly - kúmis
2022 jyly - qola
2023 jyly - qola
2025 jyly - qola
Esterińizge sala keteıik, osyǵan deıin Qazaqstan erler quramasy jarystyń shırek fınalynda Ońtústik Koreıany 22:9 esebimen oısyrata jeńip, jartylaı fınalǵa shyqqanyn jazǵan edik.