Sý dobynan Qazaqstan áıelder quramasy ekinshi jeńisine jetti
ASTANA. KAZINFORM — Sý dobynan Qazaqstan áıelder komandasy 2026 jylǵy Azııa oıyndarynda ekinshi jeńisine qol jetkizdi.
Otandastarymyz aınalmaly júıe boıynsha synǵa túsip jatyr. Olar úshinshi kezdesýinde Taıland quramasyn 14:13 esebimen jeńdi. Oǵan deıin el quramasy Sıngapýrdy 12:7 esebimen qapy qaldyryp, Japonııaǵa 10:25 esebimen jol bergen edi.
Endi otandastarymyz 23 qyrkúıekte Qytaı, 24 qyrkúıekte Ózbekstan quramalarymen sheberlik baıqasady.
El quramasy sapynda Arıadna Zatylnıkova, Kamıla Naýryzbaeva, Taıra Mýhaeva, ıAna Smolına, Vasılısa Antropova, Fatıma Matkarımova, Aıda Alpysbaı saıysqa túsip jatyr.
Sý dobynan Qazaqstan quramasy qazirge deıin 2010, 2018 jyldary Azııa oıyndarynda kúmis júldeger atanǵan edi.
Eske salaıyq, XX jazǵy Azııa oıyndary 4 qazanǵa deıin jalǵasady.
Aıta ketsek, budan buryn gandboldan Qazaqstan áıelder quramasy 2026 jylǵy Azııa oıyndarynda Vetnamnan basym tústi.
