Sý dobynan Qazaqstan áıelder quramasy Azııa chempıonatynyń qola júldesin jeńip aldy

ASTANA. KAZINFORM - Ahmedabad qalasynda sý sporty túrlerinen ótken Azııa chempıonatynda Qazaqstan áıelder quramasy qola júldege qol jetkizdi. 

Úshinshi orynǵa talas Qazaqstan men Taıland quramalary arasynda ótti.

Negizgi ýaqyt 6:6 esebimen teń aıaqtaldy. Penaltı serııasynda qazaqstandyqtar basym túsip, 3:2 esebimen jeńiske jetti. Qorytyndy esep - 9:8.

Osylaısha, Qazaqstan áıelder quramasy Azııa chempıonatynyń qola júldesine ıe boldy. 

Aıta keteıik, 11 qazanda erler quramasy da qola medal úshin baq synaıdy. Olardyń qarsylastary Japonııa quramasy.

Budan buryn Sý dobynan Qazaqstan áıelder quramasy Azııa chempıonatynyń qola júldesine talasatynyn jazǵanbyz.