Sý dobynan Qazaqstan áıelder quramasy Azııa birinshiliginiń 1/4 fınalyna ótti

ASTANA. KAZINFORM – Qazaqstan áıelder quramasy sý dobynan Ahmedabadta (Úndistan) ótip jatqan Azııa chempıonatynyń toptyq kezeńindegi sońǵy oıynyn ótkizdi. 

Otandastarymyz Qytaımen kezdesti. Qarsylas qurama 23:6 esebimen jeńiske jetti. Osylaısha, qazaqstandyqtar úsh upaıǵa ıe boldy. 

B tobynda qazaqstandyqtar Taılandqa (12:14) ese jiberdi. Sodan keıin Gonkong quramasyn (21:10) jeńdi. Nátıjesinde ulttyq qurama toptyq kezeńde úshinshi orynmen 1/4 fınalǵa ótti. 

Eske sala keteıik, buǵan deıin qazaqstandyq qos sportshy kórkem júzýden Azııa chempıonatynyń júldegeri atanǵanyn habarlaǵan edik.