Taraz komandasy sý dobynan áıelder arasynda el chempıony atandy
ASTANA. KAZINFORM- Taraz qalasynda sý dobynan áıelder arasynda Qazaqstan chempıonaty aıaqtaldy, dep habarlaıdy Ulttyq olımpıada komıteti.
Komıtettiń baspasóz qyzmetiniń habarlaýynsha, atalǵan el birinshiliginde Qazaqstannyń ár óńirinen úzdik komandalar bas qosty.
Fınalda Taraz jáne Almaty quramalary ózara myqtyny anyqtady. Nátıjesinde Taraz komandasy el chempıony atandy.
Al Almaty komandasy ekinshi orynǵa ıe bolsa, Astana úzdik úshtikti túıindedi.
Aıta keteıik, osyǵan deıin Azııa oıyndarynyń medaldary tanystyrylǵan bolatyn.
