Sý dobynan álem chempıonaty: Qazaqstandyqtar Nıderland quramasynan jeńilip qaldy

ASTANA. KAZINFORM – Dohada Parıj Olımpıadasynyń joldamalary sarapqa salynatyn álem birinshiliginde sý dobynan Qazaqstan áıelder quramasy ekinshi oıynda Nıderland quramasyna jol berdi.

Jerlesterimiz toptyq kezeńniń 2-týrynda ótken jylǵy álem chempıony Nıderland komandasymen ózara synǵa túsip, 27:4 (6:0, 4:1, 8:3, 9:0) esebimen jeńildi.

Endi Qazaqstan quramasy kelesi kezdesýin 8 aqpanda AQSh oıynshylaryna qarsy ótkizedi.

Esterińizge sala keteıik, jerlesterimiz atalǵan álem birinshiliginiń alǵashqy oıynynda Brazılııa quramasynan 10:10 (1:2, 2:2, 5:3, 2:3) esebimen teń túsip, býllıt serııasy boıynsha 6:5 esebimen jeńiske jetken bolatyn.

2023 jylǵy ózgeris boıynsha, toptyq kezeńde teń túsken jaǵdaıda jeńimpaz býllıt serııasy arqyly anyqtalady.

Aıta keteıik, Qazaqstan áıelder quramasy A tobynda Brazılııa, AQSh, Nıderland quramalarymen ózara synǵa túsip jatyr.