Sý dobynan Qazaqstan quramasy Parıj Olımpıadasynyń sońǵy joldamasyna talasady

ASTANA. KAZINFORM – Sý dobynan 5-17 aqpan kúnderi aralyǵynda Qazaqstan quramasy Qatar astanasy Dohada Parıj Olımpıadasynyń sońǵy joldamalary sarapqa salynatyn álem birinshiligine qatysady.

QR Sport komıteti málim etkendeı, atalǵan birinshilikte 4 joldama sarapqa salynyp, óz ıelerin tabady.

Jarysqa jalpy 16 komanda qatysady. Qazaqstan quramasy D tobynda Rýmynııa, Italııa, Vengrııa quramalarymen birge synǵa túsedi.

Al áıelder arasynda 4-16 aqpan kúnderi aralyǵynda 2 joldama oınatylady.

16 komanda baq synaıtyn birinshilikte Qazaqstan quramasy A tobynda Brazılııa, AQSh, Nıderland quramalarymen ózara synǵa túsedi.

Jalpy Parıj Olımpıadasynda erler 12, áıelderden 10 qurama baq synaıdy.

Aıta keteıik, Parıj Olımpıadasy 2024 jyldyń 26 shildesi men 11 tamyzy aralǵynda ótedi.