Sý bıoresýrstary komıssııasynyń otyrysynda Kaspıı teńizinde bekire tuqymdas balyqtardy aýlaýǵa moratorıı engizý týraly Qazaqstannyń bastamasy talqylanady
ASTANA. Mamyrdyń 20-sy. QazAqparat /Qanat Mámetqazyuly/ - Sý bıoresýrstary komıssııasynyń otyrysynda Kaspıı teńizinde bekire tuqymdas balyqtardy aýlaýǵa moratorıı engizý týraly Qazaqstannyń bastamasy talqylanady. Bul týraly búgin Aýyl sharýashylyǵy mınıstrliginde ótken baspasóz máslıhatynda Balyq sharýashylyǵy komıtetiniń tóraǵasy ıÝrıı Romashov málim etti,
dep habarlaıdy QazAqparat.
«2009 jyldyń sáýir aıynda Elbasy Iran prezıdentimen kezdesý barysynda Kaspıı teńizi boıynsha bekire tuqymdas balyqtardy aýlaýǵa 10-15 jylǵa deıin moratorıı jarııalaý týraly bastama kótergen bolatyn. Biz bundaı ustanym boıynsha jumysty odan ári qaraı jalǵastyramyz jáne moratorııdi Kaspıı teńizi jaǵasyndaǵy barlyq memleket qoldaýlary qajet. Osyǵan oraı, Úkimettiń tapsyrmasyna sáıkes birqatar sharalar atqarylýda», dedi ıÝ. Romashov.
Onyń aıtýynsha, 2010 jylǵy maýsymnyń 14-16-larynda Iranda sý bıoresýrstary týraly komıssııanyń kezekti 31-shi otyrysy ótedi dep josparlanǵan. Atalǵan otyrystyń kún tártibine Qazaqstannyń Kaspıı teńizinde bekire tuqymdas balyqtardy aýlaýǵa moratorıı jarııalaý týraly bastamasy shyǵarylyp otyr.
«Jalpy, bekire tuqymdas balyqtardy aýlaýǵa qatysty shekteýlerge keletin bolsaq, Reseı tarapy birneshe jyldar boıy bundaı balyqtardy ǵylymı maqsattar men taýarlyq óndiris úshin aýlaýda. Basqa da Kaspıı jaǵalaýy elderi de bul máseleni talqylap jatyr. Máselen, Ázirbaıjan moratorııdi satylap júrgizýdi usynady. Iran men Túrikmenstannyń ustanymdary áli de naqty emes, olar memlekettik organdary tarapynan pysyqtalý ústinde, degenmen qazaqstandyq bastamaǵa eshqandaı ashyq qarsylyqtar bolǵan emes», dedi ıÝ. Romashov.
