Sý basý qaýpi joǵary: Jetisý oblysynda qar erip jatyr

«Qazgıdromet» RMK-nyń aýa raıy boljamyna sáıkes, aldaǵy kúnderi Jetisý oblysynda aýa temperatýrasy +3 gradýsqa deıin kóterilip, qar aralas jańbyr jaýyp, kóktaıǵaq,  tuman túsýi múmkin, dep habarlaıdy Kazinform.

Osyǵan baılanysty Jetisý oblysynyń TJD ózenderdegi muzdar erip, sý deńgeıiniń kóterilýi, taýly aımaqtarda qar jamylǵysynyń turaqsyz jaǵdaıyna baılanysty qar kóshkini júrýi múmkin ekenin eskertedi. 

Eldi mekenderde jaýyn-shashyn men qardyń qarqyndy erýine baılanysty aýla aýmaqtaryn jergilikti sý basyp qalýy múmkin.

Tótenshe jaǵdaılardyń aldyn alý maqsatynda azamattarǵa:

úılerdiń janynda ornalasqan aryqtar men sý ótkizgish qubyrlardy bitep tastamaý, olardy ýaqytyly tazalaý;

balalardyń sý aıdyndaryna baqylaýsyz shyǵýyna jol bermeý, muzda, tik jaǵalaýlarǵa barý qaýpi týraly eskertý;

taýlardyń qarly betkeılerine shyqpaý;

aýa raıynyń ózgerýin baqylap otyrý jáne «112» telefonynan daýyldy eskertý alǵan kezde eldi mekenderden tys jerlerge shyqpaýǵa keńes berildi.