Sý basqan óńirlerge qajet taýarlardy drondar tasıdy
ASTANA. KAZINFORM – Sý tasqynyna ushyraǵan óńirlerge gýmanıtarlyq kómekti drondar arqyly jetkizedi. Bul týraly Tsıfrlyq damý, ınnovatsııalar jáne aeroǵarysh ónerkásibi mınıstrliginiń resmı ókili Albına Áten málim etti.
«Sý tasqynymen kúres jaǵdaıynan IT-qaýymdastyǵy tys qalmaı, drondar arqyly gýmanıtarlyq kómek jetkizýge kómektespek. AQSh-ta júzege asyrylyp jatqan otandasymyzdyń jobasy ıaǵnı «ARC Drones» kompanııasy kómekke kelip, qazirdiń ózinde 3 drondy Qulsary, Kókshetaý jáne Petropavl qalasyna jiberýdi josparlap otyr. Drondar 20 kelige deıingi júkti jedel jáne úzdiksiz jetkize alady», - dedi Albına Áten Ortalyq kommýnıkatsııalar qyzmeti alańynda ótken baspasóz máslıhatynda.
Onyń aıtýynsha, drondardyń kómegimen ómirlik mańyzy bar taýarlar men medıtsınalyq qajettilikter (dári-dármek, qan, vaktsınalar) jetkiziledi.