Sý basqan óńirlerde táýlik boıy kúzet pen reıd júrip jatyr
ASTANA. KAZINFORM – Tártip saqshylary sý tasyǵan óńirlerde qaraýsyz qalǵan úıler men dúnıe-múlik kúzetip jatyr. Bul týraly Іshki ister mınıstrliginiń resmı ókili Shyńǵys Alekeshev málim etti.
«Sý basqan óńirlerde patrýldeý jáne kezekshilik 24/7, ıaǵnı táýlik boıy júrgizilip jatyr. Aıta ketý kerek, patrýldeýge atty polıtsııa jasaǵy da qatysyp jatyr. Tártip saqshylary jergilikti turǵyndardyń eshqaısysy sý basý qaýpi bar aımaqta qalyp ketpeýi úshin eldi mekenderde jappaı reıd júrgizýde. Qaraýsyz qalǵan múlikti kúzetý úshin polıtsııa sý tasqynynan zardap shekken 56 eldi mekendi qorǵaýǵa aldy», - dedi Shyńǵys Alekeshev Ortalyq kommýnıkatsııalar qyzmeti alańynda ótken baspasóz máslıhatynda.
ІІM ókiliniń aıtýynsha, urlyq-qarlyq faktileri tirkelgen joq.
«Qazir ishki ister organdarynyń kúzetinde qaraýsyz qalǵan 10 688 turǵyn úı men basqa da nysandar bar. Azamattardyń qaýipsizdigi úshin 105 ýaqytsha ornalastyrý pýnkti uıymdastyryldy», - deıdi spıker.
