Sý basqan óńirlerde strategııalyq obektiler qorǵaýǵa alyndy – ІІM

ASTANA. KAZINFORM – Sý basqan óńirlerde qaýipsizdikti qamtý maqsatynda Іshki ister organdarynyń qyzmetkerleri táýlik boıy jumys rejımine kóshti.

«Sý basqan óńirlerdegi jol qaýipsizdigi erekshe nazarda. Respýblıkalyq mańyzy bar joldardyń 14 ýchaskesinde júrýge shekteý qoıyldy (Aqmola – 1, Aqtóbe – 1, Atyraý – 2, Qostanaı – 3, Mańǵystaý – 1, Pavlodar – 1, SQO-5). Sý basqan aımaqtardan polıtsııanyń arnaıy uıymdasqan kolonnasymen 5 myń avtokólik shyǵaryldy. Sondaı-aq, strategııalyq obektiler qorǵaýǵa alyndy. Búginde sý tasqynynyń aldyn alý jáne saldaryn joıý is-sharalaryna Іshki ister organdary men áskerı qyzmetshilerdiń barlyǵy jumyldyryldy», - dedi Іshki ister mınıstrligi Ákimshilik polıtsııa komıtetiniń erekshe tapsyrmalar jónindegi aǵa ınspektory Aqtoty Boranova OKQ-de ótken brıfıngide. 

Onyń aıtýynsha, jaǵdaı ýshyqsa basqa óńirlerden qosymsha kúshter men quraldar tartylady. 
Aıta ketsek, qazir sý tasyǵan óńirlerde 20 myńnan astam polıtseı qoǵamdyq tártipti baqylaýda.