Sý basqan Qulsarynyń 686 turǵyny áli de evakýatsııalyq pýnktterde turyp jatyr
ATYRAÝ. KAZINFORM – Atyraý oblysyndaǵy Qulsary qalasyn 5 sáýirde tasqyn sý basqan edi. Sodan beri Qulsarynyń 686 turǵyny evakýatsııalyq pýnktterde turyp jatyr.
Atyraý oblystyq jedel shtabtyń málimetine súıensek, Qulsary qalasynan 36 myń 738 turǵyn evakýatsııalyq pýnktterge ornalasqan.
«Qulsary qalasy turǵyndardyń bir bóligi Mańǵystaý oblysyna, Atyraý qalasy men «Teńiz» vahtalyq qalashyǵynda ashylǵan evakýatsııalyq pýnktterge kóshirildi. Qazir «Teńiz» vahtalyq qalashyǵyndaǵy 2 evakýatsııalyq pýnktte 418 adam turyp jatyr. Al 163 adam Qulsary qalasynyń ózindegi 2 evakýatsııalyq pýnktte turady. Kórshiles Mańǵystaý oblysynyń Aqtaý qalasyndaǵy 3 evakýatsııalyq pýnktte 105 qulsarylyq bar», - dep habarlady oblystyq jedel shtabtan.
Eske sala ketelik, budan buryn Atyraýdaǵy Qulsary qalasynan 4,3 mln tekshe metr tasqyn sý sorylǵanyn habarlaǵan bolatynbyz.