Sý basqan Qulsary qalasynyń keıbir bóligi gazdan ajyratylǵan
ATYRAÝ. KAZINFORM – Atyraý oblysynda tasqyn sý basqan Qulsary qalasynyń keıbir bóligi gazdan ajyratylǵan.
Jylyoı aýdandyq ákimdiginiń aqparatyna súıensek, birneshe shaǵyn aýdanda gaz berý toqtatylǵan.
«Qulsary qalasyndaǵy «Atyraý», «Avtojolshylar», «Dostyq» shaǵyn aýdandary men 2-aýyl, mýzeı mańyndaǵy 3 qabatty 5 úı gazdan ajyratyldy. Al, jer astyndaǵy gaz qubyry zaqymdalyp, sý kirgendikten 4 jáne 6-aýyldaǵy turǵyn úılerdiń jartysyna gaz qosý múmkin bolmaı tur», - dep habarlady aýdandyq ákimdikten.
Qulsary qalasynyń basqa aýmaqtarynda, aýdandaǵy barlyq eldi mekenderde gaz shtattyq rejımde berilip tur.
Qazir «Jylyoıgaz» JShS-niń mamandary kesilgen gaz jelilerin qalpyna keltirý jumysyn júrgizýdi josparlap otyr.
Eske sala ketelik, budan buryn Atyraý oblysynda tótenshe jaǵdaı jarııalanǵan edi.
Al Jylyoı aýdanynan 35 myńǵa jýyq turǵyn evakýatsııalandy.
