Sý basqan Qulsary qalasyndaǵy 500 úıge elektr jaryǵy berildi

ATYRAÝ. KAZINFORM – Qulsary qalasyndaǵy 500 úıge elektr jaryǵy berildi. 

Jylyoı aýdandyq elektr júıesi torbanyń basshysy Marat Tańatarulynyń aıtýynsha, Qulsary qalasynda kún saıyn 60-100 úı elektr jaryǵyna qosylyp jatyr.

«Sý tasqynyna baılanysty 5 sáýirde Qulsary qalasyndaǵy 10 shaǵyn aýdanda jaryq óshirilgen bolatyn. Qazir sý baspaǵan 500 úıge elektr jaryǵy berildi. Jaǵdaıdy jedel qalypqa keltirý maqsatynda ýaqytsha transformatorlar ornatyldy. Jaryqty qalpyna keltirý jumystaryn úılestirý úshin Qulsary qalasynda 4 brıgada iske kiristi. Brıgadalar quramyndaǵy mamandar 8 arnaıy tehnıkamen táýlik boıy jumys atqaryp júr», - dedi Marat Tańataruly.

Eske sala ketelik, buǵan deıin Qulsary kóshelerine 250 myń tekshe metr sý sorylǵanyn habarlaǵan bolatynbyz.