Sý astynda qalǵan Hıýstonda komendanttyq saǵat jarııalandy
ASTANA. QazAqparat - «Harvı» daýylynan zardap shekken Amerıkanyń Hıýston qalasynda komendanttyq saǵat jarııalandy, dep habarlaıdy Bı-Bı-Sı agenttigi.
Daýylmen birge jetken alapat nóser jaýyn qalanyń basym bóligin sý astynda qaldyrdy. Tabıǵı apat saldarynan 15 adam qaza tapqan, kóptegen úıler qırady.
Qala meri Sılvestra Ternerdiń aıtýynsha, komendanttyq saǵat ıesiz qalǵan úılerdi tonaýshylarmen kúres úshin belgilengen.
Aıta keterligi, Hıýston - AQSh-tyń úlkendigi jaǵynan tórtinshi qalasy.
Jergilikti qoımada sý deıgeıi kóterilip, ol Addıks bógetinen asyp aǵa bastaǵan.
Komendanttyq saǵat túngi 12-den tańǵy 5-ke deıinge belgisiz merzimge jarııalandy. Alaıda bul shekteý eriktiler, tótenshe qyzmetkerlerge qatysy joq.
AQSh Prezıdenti Donald Tramp apattyń saldaryn kózimen kórý úshin seısenbi kúni Tehasqa keldi.
«Harvı» daýylyna apattyń 4 deńgeıi belgilendi, ol qurlyqqa qaraı jyljyǵan saıyn qateri azaıyp keledi. Alaıda aldaǵy birneshe kúnde nóser jaýyn jalǵasa bermek.
