Sý astynda qalǵan ejelgi rımdik qala tabyldy
ASTANA. QazAqparat - Týnıs ulttyq mura ınstıtýtynyń arheologtary bizdiń dáýirimizdiń 365 jyly 21 shildesinde bolǵan tsýnamıdiń saldarynan qıraǵan ejelgi rımdik Neapolıs qalasynyń sý astyndaǵy úıindilerin tapty, dep jazady Lenta.rý.
Zertteýshiler ejelgi qalanyń kóshelerin, eskertkishterin, sondaı-aq garým balyq tuzdyǵyn saqtaýǵa arnalǵan ydystardy tapqan, dep habarlaıdy ScienceAlert. Qala úıindileri 20 gektar aýmaqty alyp jatyr. Olar Týnıstiń soltústik-shyǵysyndaǵy Nabýl mańynda.
Neapolıs bizdiń zamanymyzǵa deıingi besinshi ǵasyrda negizi qalanǵan qala. Onyń aty grek tilinen aýdarǵanda «Jańa qala» degendi bildiredi. Tarıhshylar qalanyń bir bóligi eki ret qaıtalanǵan eń joǵary - 8 baldyq magnıtýdaly jer silkinisi kezinde jer betinen joıylyp ketti dep esepteıdi.
Zilzala saldarynan Krıt aralynyń keıbir bólikteri 10 metrge jyljyǵan. Sýǵa batyp ketken úıindilerdi izdeý jumystary 2010 jyldan bastap júrgizilýde.
Ekspedıtsııa jetekshisi Mýnır Fantardyń sózine qaraǵanda, Neapolıs - garým jáne tuzdalǵan balyq óndirýmen tanylǵan, ejelgi Rımniń saýda ortalyqtarynyń biri.
