Sý arnasynda úıilip jatqan bótelkeler OQO turǵyndarynyń ashýyn týdyrdy
ShYMKENT. QazAqparat - OQO turǵyndary Shymkenttiń qalalyq kanalyna laqtyrylǵan plastık bótelkelerdiń úıindisin qyzý talqylaýda, dep habarlaıdy «QazAqparat» HAA tilshisi.
Sý arnasynda jatqan plastık bótelkelerdiń úıindisi túsirilgen sýret sanaýly saǵattarda áleýmettik jelilerdiń hıtyna aınaldy. «Lúpilder», repostar men Shymkent turǵyndarynyń ashýyn týǵyzǵan pikirler áleýmettik jelini sharlady.
Qatty jaýyn-shashyn bolǵan ýaqytta kanal mańaıyndaǵy turǵyn úılerdi sý basady. Shymkent turǵyny Madına Galıeva óz paraqshasynda tek sýǵa emes, bosaǵan plastık bótelkelerge de tolyp ketken Kırov kanalynyń sýretin ornalastyrǵan. Onyń ústine, munyń barlyǵy qala áýejaıyna alyp baratyn tas joldan júz metr jerde bolyp jatyr.
«Bul jer ortalyq emes ekendigin túsinemin. Degenmen, Shymkent ákimdigi basty kóshelerge paralleldi turatyndardy da nazarǵa elese eken deımin... Al munda biz tartýdy josparlap otyrǵan týrıster kelse she...», - dep jazady Madına Galıeva.
Galıeva onyń jazbasy Facebook áleýmettik jelisi aýmaǵynan shyǵyp, úlken shý týǵyzatynyn kútpegenin aıtýda.
