Qaraǵandy oblysynda Sý-30SM joıǵysh ushaǵy apatqa ushyrady
QARAǴANDY. KAZINFORM — 25 aqpan kúni Qaraǵandy oblysynda josparly oqý-jattyǵý ushýlary barysynda Sý-30SM joıǵysh ushaǵy apatqa ushyrady. Bul týraly Qorǵanys mınıstrliginiń baspasóz qyzmeti habarlady.
— Ushaq ekıpajy der kezinde katapýlt jasady. Ushqyshtar din aman, olardyń ómiri men densaýlyǵyna qaýip joq. Qazirgi ýaqytta medıtsınalyq mamandardyń baqylaýynda, — delingen mınıstrlik habarlamasynda.
Ushaq qulaǵan aýmaq qorshaýǵa alyndy. Turǵyndar men ınfraqurylym nysandaryna esh qaýip joq.
Oqıǵanyń sebepteri men mán-jaıyn anyqtaý úshin Qazaqstan Respýblıkasy Qorǵanys mınıstrliginiń arnaıy komıssııasy quryldy. Komıssııany ushý qaýipsizdigi jónindegi departament basqarady. Quramyna avıatsııalyq qyzmettiń arnaıy mamandary kirdi.
Tergeý qorytyndysy boıynsha quqyqtyq baǵa berilip, protsessýaldyq sheshim qabyldanady.
Aıta ketelik áýe qorǵanysy kúshteriniń EC-145 tikushaǵy radardan joǵalyp ketken edi.