«Sý-27» ushaǵynyń «qara jáshigi» tabyldy

ASTANA. QazAqparat - Búgin, 2014 jylǵy 25 qyrkúıekte Sý-27 ushaǵy qulaǵan jerde eki borttyq tirkeýshi tabyldy. Bireýi - ushý parametrlerin, ıaǵnı ushaqtyń tehnıkalyq jaı-kúıin jazatyn, ekinshisi - sóılegen sózderdi jazatyn tirkeýshi.

Bul týraly QR Qorǵanys mınıstrliginiń baspasóz qyzmeti habarlady.

«Qosymsha aqparat arnaıy komıssııa jumysynyń qorytyndysy boıynsha habarlanatyn bolady», - delingen habarlamada.

Eske sala keteıik, 2014 jylǵy 23 qyrkúıekte saǵat 20:42 shamasynda oqý-jattyǵý ushýy kezinde Sý-27 ushaǵymen baılanys úzildi. Ekıpaj quramynda - podpolkovnık Erlan Naýanov pen podpolkovnık Denıs Gorbýnov boldy.