Stıýardessa dárethanadaǵy jazbanyń arqasynda jas qyzdy quldyqtan qutqardy
ASTANA. QazAqparat - Alaska Airlines avıakompanııasynyń stıýardessasy ushaq dárethanasynda qaldyrǵan jazba arqasynda qyzdy adam saýdasynyń qurbany bolýdan saqtap qaldy, dep habarlady Bı-bı-sı.
Shelıa Fedrık jýrnalısterge ushaqta jaqsy kıingen er adamnyń janynan uıpa-tuıpasy shyqqan qyzdy kórgende birden alańdaǵanyn aıtty.
Jasóspirimniń túri «beıne bir tozaq azabyn tartqannan» kem emes edi, dedi stıýardessa. Al er adam onyń qyzben sóılesýine ruqsat bermegen.
Sodan Fedrık dárethanaǵa jazba qaldyryp, qyzǵa sol jerge qasyndaǵy adamǵa sezdirtpeı barýǵa belgi beredi. Qyz jazbaǵa jaýap retinde oǵan kómek kerektigin jazady.
Jasóspirim adam saýdasynyń qurbany bolyp shyqty. Fedrık jaǵdaıdy pılotqa habarlap, ol aldyn ala polıtsııaǵa eskertip úlgergen.
Alaska Airlines kompanııasynyń reısinde 2011 jyly oryn alǵan oqıǵa BAQ-qa osy aptada jarııalandy. Airline Ambassadors qaıyrymdylyq uıymy ekıpaj múshelerin adam saýdasymen kúreske oqytý naýqanyn bastady.
Airline Ambassadors saıtynda qurbandar ýınformadaǵy adamdardyń janynda qorqyp, qaıda baratynynan beıhabar, abdyrap turatyny aıtylǵan. Olar suraqqa jattandy jaýap qaıyryp, kıimderi de júrgen jerine saı bolmaýy múmkin.
Qaskúnemder olardyń ornyna ózderi jaýap berýge tyrysady, olar qurbandarynyń jeke derekterin de bilmeýi múmkin.
Qazir ol qyz kolledjde bilim alýda. Burynǵysha stıýardessamen habarlasyp turady.
