«STV» telearnasynyń komandasy boýlıngten jýrnalıster arasyndaǵy jarystyń jeńimpazy atandy
ALMATY. 28 maýsym. QazAqparat - Almatyda buqaralyq aqparat quraldary ókilderi arasynda boýlıngten Áýezov aýdany ákiminiń kýbogy úshin jarys ótti.
«Family» parkiniń Boýlıng ortalyǵynda ótken bul shara jýrnalıster kúnine oraı uıymdastyryldy. Bul sharanyń basty maqsaty - Elbasynyń «Áleýmettik-ekonomıkalyq jańǵyrtý - Qazaqstan damýynyń basty baǵyty» Joldaýyn, «Qazaqstannyń 2011-2020 jyldarǵa memlekettik dene shynyqtyrý mádenıeti men sportty damytý» baǵdarlamasyn júzege asyrý, salaýatty ómir saltyn qalyptastyrý, dene shynyqtyrý mádenıeti men sportty kóterý jáne damytý. Básekege árqaısysy 6 adamnan 6 komanda qatysty. Tartysty ótken saıysta «STV» telearnasy - birinshi, «El arna» telearnasy - ekinshi, «Almaty» telearnasy úshinshi oryn aldy.
