Stýdenttik jataqhanalardyń jaǵdaıy qandaı: «Jas Otan» tekserý nátıjelerin jarııa etti
«Biz teksergen jataqhanalardyń 66-synda qarapaıym sanıtarlyq normalar saqtalmaǵan. Bizdiń oıymyzsha, bul máseleni tez arada sheshýimiz qajet. Sondaı-aq Almaty qalasyndaǵy bir joǵary oqý ornynda jáne birqatar óńirlerde jataqhana bólmelerin basqa azamattarǵa «Krysha» saıty arqyly jalǵa beremiz degen habarlandyrýlar jarııalaǵan. Órt qaýipsizdigi talaptaryn saqtaý sharalary qabyldanbaǵan. Máselen, Nur-Sultan qalasyndaǵy polıtehnıkalyq kolledjde órt kezinde syrtqa shyǵýǵa arnalǵan esiktiń úsh qulyppen jabylyp turǵany anyqtaldy», - dedi Elnur Beısenbaev.
Onyń aıtýynsha, kóptegen jataqhanada jıhazdar joq. Máselen, 4-5 adam turatyn bólmede bir ǵana kıim iletin shkaf qoıylǵan. Keıbir jataqhanalarda as daıyndaıtyn bólmelerde sanıtarlyq normalar saqtalmaıdy. As pisirýge arnalǵan peshten tyshqan tabylǵan jataqhanalar da kezdesedi. Keıbir jataqhanalardy tamaq daıyndaıtyn jáne kir jýatyn bólmeler biriktirilgen. Sonyń saldarynan stýdentter tamaqty elektr peshin qoldaný arqyly bólmelerinde daıyndaýǵa májbúr.
«Jas Otan» jastar qanaty elimizde turmystyq jaǵdaıy eń nashar 15 jataqhana anyqtalǵan. Olardyń qatarynda Almatydaǵy Q.Sátbaev atydaǵy QazUTZÝ, «Qaınar», «Almaty» ýnıversıtetteri, Qostanaı ınjenerlik-ekonomıkalyq ýnıversıteti, Shymkent qalasyndaǵy №4 kolledj, Nur-Sultan qalasyndaǵy polıtehnıkalyq kolledj, Taraz polıtehnıkalyq kolledji, Batys Qazaqstan oblysyndaǵy Jáńgir han atyndaǵy agrarlyq-tehnıkalyq ýnıversıteti, Qyzylorda oblysyndaǵy «Aqmeshit» gýmanıtarlyq-tehnıkalyq ınstıtýty syndy oqý oryndary bar.
Buǵan deıin elimizde 93 myńǵa jýyq stýdent jataqhanadan oryn ala almaı júrgenin habarlaǵan edik.
