Stýdenttik olımpıada jeńimpazdary jumysqa qabyldanatyn boldy

Bul týraly Kólik jáne kommýnıkatsııa mınıstrliginiń baspasóz qyzmetinen habarlandy.

Eske salsaq, «Memlekettik tehnıkalyq qyzmet» kásiporny Qaraǵandy tehnıkalyq ýnıversıtetimen birlese uıymdastyrylǵan stýdenttik olımpıadanyń qorytyndysy jaqynda shyǵarylǵan bolatyn. Halyqaralyq olımpıadaǵa Qazaqstan, Reseı jáne Qyrǵyzstan elderiniń jetekshi joǵary oqý oryndarynyń magıstranttary men 3,4 kýrs stýdentteri qatysqan edi. Al, ádilqazylar jáne uıymdastyrýshy komıtet quramyna «Memlekettik tehnıkalyq qyzmet» RMK jetekshi qyzmetkerleri men QarMTÝ professorlyq-oqytýshy quramy endi.

Intellektýaldyq jarys eki baǵyt boıynsha ótip, onyń alǵashqy kezeńi 2013 jylǵy 1-8 sáýir aralyǵynda «Aqparattyq tehnologııalar, aqparattyq qaýipsizdik jáne radıotehnıka» taqyrybynda júrgizilse, ekinshi kezeńi 2013 jylǵy 25 sáýirde «ІT jáne aqparattyq qaýipsizdik», al 2013 jylǵy 2 mamyrda «Radıotehnıka jáne telekommýnıkatsııa» taqyrybynda ótken bolatyn.

Nátıjesinde júldeli oryndar bylaı saralandy:

«Aqparattyq tehnologııalar jáne aqparattyq qaýipsizdik» sektsııasy boıynsha ótken ıntelektýaldyq jarystyń jeńimpazdary qatarynda:

1 oryn- Qoıshybaev Ramazan Haırýllauly (QarMTÝ, Qaraǵandy)

2 oryn - Ývalıev Ernar Qazbekuly (QarMTÝ, Qaraǵandy)

3 oryn - Qosymbaev Álibek Baqytuly (Halyqaralyq ІT-ýnıversıteti, Almaty).

«Radıotehnıka jáne telekommýnıkatsııa» sektsııasy boıynsha jeńimpazdar:

1 oryn - Karmenova Dına Estaıqyzy (Halyqaralyq ІT-ýnıversıteti, Almaty)

2 oryn - Tórehan Sypataı Maratuly (Halyqaralyq ІT-ýnıversıteti, Almaty)

3 oryn - Myrzakerimov Nursultan Dosmýhanbetuly (Halyqaralyq ІT-ýnıversıteti, Almaty).

Sharanyń jabylý saltanatynda laýreattarǵa 1,2,3 dárejedegi dıplomdar men baǵaly syılyqtar tabys etildi. Sondaı-aq, olımpıada jeńimpazdary «Memlekettik tehnıkalyq qyzmet» RMK qyzmetke ornalasý múmkindigine ıe bolady.