Stýdenttik nesıelerdi óteýdi baqylaý júıesi iske qosyldy - Dáýren Abaev
ASTANA. QazAqparat - Úkimettiń búgingi otyrysynda elektrondy bilim berý máseleleri qaraldy. Osy oraıda QR Aqparat jáne kommýnıkatsııalar mınıstri Dáýren Abaev atalǵan salanyń tehnıkalyq jaǵyn baıandap berdi, dep habarlaıdy QazAqparat tilshisi.
Mınıstrdiń aıtýynsha, qazirgi kezde bilim berý salasyndaǵy 64 memlekettik qyzmettiń 16-sy avtomattandyryldy. Qalǵan 48 qyzmet áli de elektrondy nusqaǵa kóshirilgen joq. Sonyń basym bóligi jergilikti bılik pen uıymdarǵa tıesili. «Al tehnıkalyq tapsyrmalarǵa kelsek, naqty úsh joba bar. Olar - bilim berý málimetteriniń ulttyq bazasy, memlekettik jáne stýdenttik nesıelerdi óteýdi baqylaý júıesi, sondaı-aq «Bolashaq» ulttyq aqparattyq júıesi. Sonyń ishinde «Bolashaq» pen nesıelerdi óteý jobalary óndiristik eksplýatatsııaǵa tapsyryldy», - dedi Abaev.
Budan bólek, balabaqshalardy avtomattandyrý jumysyn da kúsheıtý kerek. Oǵan jergilikti bılik jaýap beredi. Bilim berý salasyndaǵy serverler men qural-jabdyqtardyń tozýy da anyq baıqalady.
