Stýdenttik qurama komandanyń 2017 jylǵy qysqy Ýnıversıadaǵa qatysý jarnasy 2017 jyly tólenedi - QR BǴM
ALMATY. QazAqparat - Qazaqstannyń stýdenttik qurama komandasynyń Búkilálemdik 28-shi qysqy Ýnıversıada oıyndaryna qatysý boıynsha tólenetin tirkeý jarnasy 2017 jyly tólenedi.
Bul týraly joldanǵan resmı saýalǵa QR Bilim jáne ǵylym mınıstrligi osylaı jaýap berdi.
Vedomstvonyń habarlaýynsha, Halyqaralyq stýdentter sportynyń (FISU) reglamentine sáıkes, Búkilálemdik 28-shi qysqy Ýnıversıada-2017-ge qatysý úshin qatysýshy elderdiń komandalary, onyń ishinde Qazaqstannyń qurama komandasy (shaıbaly hokkeı, kerlıng jáne basqa da sport túrlerinen) tirkeý jarnalaryn tóleýi tıis.
«Respýblıkalyq 204-shi «Joǵary jáne joǵary oqý ornynan keıingi kadrlarmen qamtamasyz etý» bıýdjettik baǵdarlamasy men 113-shi «Respýblıkalyq mekteparalyq olımpıada, konkýrstar, respýblıkalyq mańyzy bar sabaqtan tys sharalar» kishi baǵdarlamasy sheńberinde Qazaqstan qurama komandasynyń turý, tamaqtaný, issaparlar shyǵyndary men tirkeý jarnalaryn tóleýge qarjy 2017 jylǵa qarastyrylǵan.
Osy oraıda, 2015 jylǵy 4 jeltoqsanda Qazaqstan Respýblıkasynyń «Memlekettik satyp alý» Zańyna sáıkes, joǵaryda atalǵan shyǵyndar dene shynyqtyrý jáne sport salasyndaǵy ýákiletti organnyń 2017 jylǵa arnalǵan buqaralyq sport sharalarynyń respýblıkalyq biryńǵaı kúntizbesin bekitkennen keıin júzege asyrylady», - delingen habarlamada.
Esterińizge sala ketelik, Qazaqstannyń buqaralyq aqparat quraldarynda Qazaqstannyń erler jáne áıelder stýdenttik qurama komandalarynyń Almatyda 2017 jyly ótetin qysqy Ýnıversıadaǵa jiberilmeýi múmkin ekendigi týraly habar taratylǵan bolatyn.
Óıtkeni, QR Bilim jáne ǵylym mınıstrligi Halyqaralyq stýdentter sportynyń (FISU) reglamentine sáıkes, Ýnıversıadaǵa qatysý úshin tirkeý jarnasyn áli tólemegen.
Esterińizge sala ketelik, Búkilálemdik 28-shi qysqy Ýnıversıada Almaty qalasynda 2017 jyly 29 qańtar men 8 aqpan aralyǵynda ótedi.
