Stýdentti qaǵyp ketken muǵalim isi oblys ákiminiń baqylaýyna alyndy
KÓKShETAÝ. QazAqparat - Aqmola oblysynyń ákimi Ermek Marjyqpaev Kókshetaý qalasynyń irgesinde mas kúıinde rýlge otyrǵan muǵalimniń stýdentti qaǵyp ketýine baılanysty qozǵalǵan isti óz baqylaýyna aldy, dep habarlaıdy QazAqparat tilshisi óńirlik kommýnıkatsııalar qyzmetine silteme jasap.
«Aqmola oblysynyń Polıtsııa departamentine tergeý amaldaryn ádil júrgizýdi, oblystyq Densaýlyq saqtaý departamentine jas jigittiń saýyǵyp shyǵýyna barlyq kúsh-jigerdi salýdy tapsyramyn», - dep jazdy oblys ákimi Instagram-daǵy paraqshasynda.
Eske sala keteıik, Kókshetaýdyń irgesindegi Krasnoıar kentinde «Mazda» avtokóligin basqarǵan kúdikti aýyl kóshesimen júrip kele jatyp, «Nurly kósh» kentine aparatyn qara jolǵa shyǵady. Sol kezde joldyń boıynda jaıaý ketip bara jatqan jasópirimdi qaǵyp ketedi. Zardap shekken stýdent Aqmola oblysynyń balalar aýrýhanasyna jatqyzylady.
