Stýdentterge jataqhanadan oryn alý úshin ótinish jazýdyń qajeti joq
ASTANA. KAZINFORM – Budan bylaı, stýdentterge elektrondy úkimet saıtynda telefon nómirin tirkep, SMS alýǵa múmkinshilik berilmekshi - dep habarlaıdy Kazinform tilshisi.
Stýdentke ótinish jazýdyń qajeti joq. Olar elektrondy úkimet saıtynda telefon nómirin tirkep, SMS ala alady.
Ótinimderdi proaktıvti formatta qabyldaý josparlanyp otyr.
«Joǵary jáne joǵary oqý ornynan keıingi bilim berý uıymdarynyń jataqhanalarynda oryndardy bólý qaǵıdalaryn bekitý týraly» buıryqqa osyndaı túzetýler jobasy qoǵamdyq talqylaý úshin jarııalandy.
Telefon nómirin tirkegennen keıin stýdent avtomatty túrde memlekettik qyzmetti kórsetý týraly habarlama alady. Ol tek kelisimdi nemese qyzmet kórsetýden bas tartýdy jiberýi kerek, sodan keıin qajetti qujattardy usynady.
Qaǵıdalardyń qoldanystaǵy redaktsııasyna sáıkes, joǵary nemese joǵary oqý ornynan keıingi bilim berý uıymynyń aqparattyq júıeleri jáne elektrondyq úkimet portaly arqyly ótinish qabyldanady jáne memlekettik qyzmetti kórsetý nátıjesi beriledi.
Kórsetiletin qyzmetti alýshynyń jaýabyn kútý merzimi suraý salý túsken sátten bastap 24 saǵatty quraıtyny atap ótilgen.
