Stýdentterge vaktsına alý mindetti me
NUR-SULTAN. QazAqparat – Elimizde stýdentterge vaktsına alý mindetti me? Bul suraqqa qatysty elordada quzyrly mekeme ókili men medıtsına mamany óz pikirin bildirdi, dep habarlaıdy QazAqparat tilshisi.
Aıta ketsek, bizdiń redaktsııamyzǵa jasy 18-ge tolǵan stýdentke vaktsına alý mindetti me, ol týraly qaıdan bilýge bolady degen saýal kelip tústi. Biz jaýapty mamandardan surap kórdik.
«Stýdenttiń jasy 18-ge tolmaǵan bolsa vaktsına alý mindetti emes, al kámelet jasyna (18 jasqa) tolǵan stýdenttiń vaktsına alýyna ruqsat. Árıne, stýdenttiń erkine saı», - dedi Nur-Sultan qalasy qoǵamdyq densaýlyq saqtaý basqarmasynyń baspasóz hatshysy Áıgerim Ardaq.
Sondaı-aq, densaýlyq saqtaý basqarmasynyń ókili, memlekettik bas sanıtar dárigerdiń qaýlysynda azamattardyń vaktsına alý quqyǵy tolyqtaı kórsetilgenin aıtty.
Osy oraıda biz dáriger mamannyń da pikirine súıenýdi jón kórdik.
«Vaktsına adamdy indetten qorǵaýda 90% kepildik beredi, qalǵany ár adamnyń aǵzasyna baılanysty. Halyq arasynda jıi kezdesetin qatelikterdiń biri - «vaktsına aldym» deıdi de, sol sátten bastap maska taqpaı, ara qashyqtyqty saqtamaı, toı-jıynǵa baryp júre beredi. Vaktsınany tolyqtaı alǵannyń ózinde antıdene 2 aıǵa deıin saqtalady. Osyny umytpaǵan jón. ıAǵnı, indetke shaldyqpaý nemese odan qorǵaný vaktsına alýmen ǵana shektelmeıdi», - dedi elordalyq jalpy tájirıbe dárigeri, Nur-Sultan qalasy №11 emhananyń bólim meńgerýshisi Aıdana Aıazbekqyzy.
Odan bólek, dáriger maman vaktsınaǵa qatysty túrli jańsaq pikirden aýlaq bolýǵa shaqyrdy.
«Iá, ekpe alǵanyna qaramastan atalǵan indetke qaıta shaldyǵyp jatqandar bar. Halyq arasynda «ekpe aldym, bitti, endi eshqashan aýyrmaımyn» degen jańsaq pikir bar, odan aýlaq bolaıyq. Densaýlyq pen aǵzanyń saýlyǵy tek vaktsına alýmen shektelmeıdi. Vaktsına - densaýlyq pen aǵzanyń saýlyǵyn saqtaýdyń bir joly ǵana», - deıdi ol.
Sonymen qatar, QR Bilim jáne ǵylym mınıstrliginiń bastamasymen JOO-da oqytýshylar men stýdentter arasynda COVID–19 indetine qarsy ekpe alý aktsııasy qolǵa alyndy.
Atap aıtqanda, Ál-Farabı atyndaǵy QazUÝ, L.N. Gýmılev atyndaǵy EUÝ, Abaı atyndaǵy QazUPÝ, Q.I. Sátbaev atyndaǵy QazUTZÝ, M. Áýezov atyndaǵy OQÝ, M. Ótemisov atyndaǵy BQÝ, H. Dosmuhamedov atyndaǵy Atyraý ýnıversıteti vaktsına alýdy qoldaý boıynsha aktsııany bastap ketti.
Osy oraıda vaktsına alǵan stýdentter úshin shet tilderi, kompıýterlik saýattylyq jáne kásipkerlik daǵdylardy damytýǵa arnalǵan tegin kýrstardy uıymdastyrý josparlanyp otyr. Sonymen qatar ekpe alǵan keıbir ýnıversıtetterdiń stýdentteri fıtnes zalyna, basseınge, teatrǵa, kınoteatrǵa jáne ártúrli kontsertterge tegin bara alady.
BǴM-nyń málimetine súıensek, atalmysh joǵary oqý oryndarynyń oqytýshylary da nazardan tys qalmady. ıAǵnı vaktsına alǵan oqytýshylar qosymsha aqy alyp nemese aqyly demalysqa shyǵa alady.
«Koronavırýs indetiniń etek jaıýy joǵary oqý oryndaryn da alańdatyp otyr. Árıne, vaktsına alý máselesin árbir joǵary oqý orny ózi qabyldaıdy. Degenmen mınıstrdiń tapsyrmasy boıynsha joǵary oqý oryndary stýdentteri men oqytýshylaryn vaktsına alýǵa shaqyryp, yntalandyrý boıynsha sharalar qolǵa alynyp jatyr. Bul aktsııa azamattardyń sanasyn oıatýǵa kómektesedi dep senemiz. Biz birlese otyryp, qaýipti vırýsty jeńe alamyz jáne karantın múmkindiginshe tez aıaqtalady dep úmittenemiz. Basqa joǵary oqý oryndaryn da vaktsına alýdy qoldap, yntalandyrý sharalaryn uıymdastyrýǵa shaqyramyz. Sebebi bul koronavırýstyń taralýyn toqtatýdyń jalǵyz joly», – dedi QR Bilim jáne ǵylym vıtse-mınıstri Qýanysh Erǵalıev.
