Stýdentterge sybaılas jemqorlyq zańy túsindirildi
ALMATY. QazAqparat- Adam úshin tek adal eńbek qana barsha jetistiktiń ólshemi bola alady, dep oıymen bólisti Q. Sátbaev atyndaǵy Ulttyq tehnıkalyq ýnıversıtetiniń oqytýshy quramy jáne stýdentterimen ótken kezdesýde Almaty qalalyq memlekettik qyzmet isteri departamentiniń basshysy, Tártiptik keńestiń tóraǵasy Bahtııar Kamalov.
Onyń aıtýynsha, otanyn shyn súıgen adam ǵana sybaılas jemqorlyqqa barmaıdy. Óıtkeni, jemqorlyq - otanǵa opasyzdyq jasaǵanmen birdeı.
«Jastardyń boıyna otanǵa degen mahabbat sezimin uıalatý, sonymen qatar óz ortasyn qurmet tutýǵa, tabıǵatty aıalaýǵa, bilimdilikke, adaldyqqa baýlaý - mine, jemqorlyqqa qarsy mádenıet degenimiz osy. Bul jerde árbir ata-ana, árbir oqytýshy jastarǵa birinshi kezekte ózi úlgi bola bilýi tıis. ıAǵnı, árkim birinshi ózinen bastaýy kerek» - dedi ol.
«Jemqorlyqqa qarsy kúres» taqyryby boıynsha ótken búgingi kezdesýde sondaı-aq Qytaıda, Japonııada jáne basqa da elderde sybaılas jemqorlyqtyń paıda bolý sebepteri men olarǵa qarsy kúres joldary túsindirildi.
