Stýdentterdiń daýys berýi qamtamasyz etiledi - mınıstrlik
ASTANA. KAZINFORM – Bıyl Quryltaı depýtattaryn saılaý merzimi 23 tamyzda ótedi, ıaǵnı osy kezeń stýdentterdiń kanıkýlyna sáıkes kelip tur. Bul rette stýdentterdiń daýys berýi qalaı qamtamasyz etilmek?
Bul suraqqa Ǵylym jáne joǵary bilim mınıstrliginiń Joǵary jáne joǵary oqý ornynan keıingi bilim komıteti jaýap berdi.
- Quryltaı depýtattaryn saılaý kezinde daýys berý úshin oqý oryndaryna túsken stýdenttermen tirkelgen turǵylyqty mekenjaıy boıynsha naqty jumystar iske asyp jatyr. Bul rette tıisti deńgeıde uıymdastyrylyp, mindetti túrde árbir 18-ge tolǵan stýdenttiń daýys berýi qamtamasyz etiledi. Mınıstrlik tarapynan saılaýǵa qatysty joǵary oqý oryndarynyń rektorlary jáne jaýapty mamandarmen jınalystar ótkizilip jatyr, - delingen komıtettiń Kazinform agenttigine bergen jaýabynda.
Aıta keteıik, tamyz aıynyń basynda QR Ortalyq saılaý komıssııasynyń tóraǵasy Nurlan Ábdirov aldaǵy saılaý kezinde stýdentterdiń tizimin naqtylaýǵa qatysty tapsyrma berdi.
