Stýdentterdiń shákirtaqysyn ósirýge qansha qarjy bólinedi
NUR-SULTAN. QazAqparat- Memleket basshysynyń tapsyrmasyna sáıkes keler jyldan bastap stýdentterdiń shákirtaqysy 25%-ǵa kóteriledi. Osy oraıda atalǵan tapsyrmanyń qalaı júzege asyrylatyny týraly QR Bilim jáne ǵylym mınıstri Ashat Aıtmaǵambetov aıtyp berdi, dep habarlaıdy QazAqparat tilshisi.
«Stýdentterdiń shákirtaqysyn kóterýge respýblıkalyq bıýdjetten qosymsha qarajat bólinedi. 1 qańtardan bastap bakalavrıat, magıstratýra jáne doktorantýrada oqyp jatqan barlyq stýdentterdiń shákirtaqysy 25% ósedi. Bul Prezıdenttiń tapsyrmasy jáne ol óz ýaqytynda oryndalady. Endi ol úshin qansha qarajat kerek degen suraq týyndaıdy. Bir jyldy alyp qarasaq, JOO stýdentterine 13 mlrd teńge qarjy qajet. Al oǵan kolledj stýdentterin qossaq taǵy 5-6 mlrd teńge kerek. Iá, nátıjesinde aıtarlyqtaı soma, degenmen bul mańyzdy sheshim. 2016 jyldan bastap stýdentterdiń shákirtaqysy kóterilgen, olar bul jańalyqty kóp kútti. Bizdiń stýdentter úshin bul úlken qoldaý bolyp tabylady», - dedi A. Aımaǵambetov mınıstrlikte ótken baspasóz máslıhatynda.
Mınıstrdiń málimdeýinshe, barlyq sanatqa jatatyn stýdentterdiń shákirtaqysy 25 paıyzǵa ósedi.
«Shákirtaqy kólemi barlyq stýdentter úshin kóteriletin bolady. Ózderińiz biletindeı, bizde joǵary dárejeli shákirtaqy alatyn stýdentter bar. Odan bólek, múgedektigi bar, asyraýshysynan aıyrylǵan jandar bar. ıAǵnı 25 paıyz barlyq stýdentterge qatysty», - dedi ol.
Aıta ketsek, búgin elordada ótken jastar jylynyń jabylý saltanaty men volonter jylynyń resmı ashylýy saltanatynda Memleket basshysy Qasym-Jomart Toqaev 2020 jyldyń 1 qańtarynan bastap stýdentterdiń shákirtaqysyn 25 paıyzǵa kóterýdi tapsyrdy.
