Stýdentterdiń sessııasy endi elektrondy formatta júrgiziledi - M. Anapın
ALMATY. QazAqparat - Búgin Almatyda «Stýdent jastar arasynda jemqorlyqtyń aldyn alý: máseleler jáne olardyń sheshý joldary» atty taqyrypta konferentsııa ótti.
«Búgingi forýmnyń basty maqsaty - Elbasy usynǵan Ult Jospary - «100 naqty qadamdy» júzege asyrýǵa úles qosý. ıAǵnı, bul jerde jemqorlyq árekettermen qoǵam bolyp kúresýge jumylý. Bul stýdentterge de qatysty másele. Qazir kóptegen joǵary oqý oryndarynda jemqorlyqqa qarsy naqty sharalar júzege asyrylyp jatyr. Mysaly, sessııa kezinde oqý úderisin ashyq túrde ótkizý qolǵa alyndy. ıAǵnı, ol endi elektrondy formatta júrgiziledi. Bir sózben aıtqanda, bilim alý úderisine adal kózqaras qana jemqorlyqty joıýdyń kepili bola alady», - dedi QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Almaty qalasy boıynsha departamentiniń bólim bastyǵy Maqsathan Anapın.
Onyń aıtýynsha, qazir joǵary oqý oryndarynda jemqorlyqqa qarsy kúreste aıtarlyqtaı oń ózgerister baıqalýda. Bıylǵy jyldyń basynan beri qalada 37 joǵary oqý ornynda stýdentterge jemqorlyqqa qarsy tálim-tárbıe berý kýrsy engizilgen.
Konferentsııaǵa QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Almaty qalasy boıynsha departamentiniń ókilderi jáne qaladaǵy birqatar joǵary oqý oryndarynyń ustazdary men stýdentetteri qatysty.
Jıyn sońynda qoldaryna túrli-tústi shar ustaǵan stýdent jastar jemqorlyqqa qarsy flesh-mob uıymdastyrdy.
