Stýdentterdiń eńbek maýsymy qorytyndylandy - QazUÝ
ASTANA. QazAqparat - Ál-Farabı atyndaǵy QazUÝ-da stýdentterdiń eńbek maýsymy qorytyndylandy. Demalys ýaqytynda stýdenttik qurylys jasaǵy (SQJ) quramyna qabyldanǵa júzden asa jigitter men qyzdar jaz mezgilin ózderi jáne ýnıversıtet úshin de paıdaly ári qyzyqty ótkizdi. Bul týraly Ulttyq ýnıversıtettiń baspasóz qyzmetinen habarlady.
Stýdentterdiń eńbek semestri 1 maýsymda bastalyp, stýdenttik qurylys jasaǵy ýnıversıtetke oqý ǵımarattary men jataqhanalaryn jóndeý, kampýs aýmaǵyn kóriktendirý jáne taǵy basqa jumystardy atqarýǵa kómektesti. Ýnıversıtet basshylyǵy eńbek etýi ári demalýy úshin qolaıly jaǵdaı jasady. Olar arnaıy forma, úsh mezgil tamaq jáne jataqhanamen qamtamasyz etildi. Sondaı-aq, stýdentterdiń árqaısysy aıyna 40 myń teńge jalaqy alyp otyrdy.
«Jaz boıy biz tek jumys istep qana qoımaı, bos ýaqytymyzdy qyzyqty ótkizdik. Voleıbol jáne fýtbol matchtaryn uıymdastyrdyq, jastar alaýy mańynda án saldyq, teatrǵa bardyq, kezdesýler, dıskotekalar jáne basqa da kóńil jadyratatyn mádenı is-sharalar ótkizdik. Sonymen qatar, ramazan aıynda aýyz bekitkender úshin stýddenttik qalashyq ákimshiligi aýyzasharlar berdi», - dep atap ótti mehanıka-matematıka fakýlteti jasaǵynyń komandıri Ersultan Serikbaev. SQJ jumysynyń nátıjesi boıynsha eńbek maýsymyndaǵy úzdik jumysy úshin eń belsendi jasaqtar men stýdentter ýnıversıtet basshylyǵy tarapynan dıplomdar jáne qurmet gramotalarymen marapattalyp, baǵaly syılyqtarǵa ıe boldy. «Úzdik jasaq» nomınatsııasy boıynsha 1, 2 jáne 3-oryndy mehanıka-matematıka, fızıka-tehnıkalyq, fılosofııa jáne saıasattaný fakýltetteri aldy. Mehanıka-matematıka fakýlteti jasaǵynyń komandıri Ersultan Serikbaev «Úzdik komandır» dep tanylyp, fızıka-tehnıkalyq fakýltetiniń stýdenti Madııar Nurǵalıev pen fılosofııa jáne saıasattaný fakýltetiniń stýdenti Sáken Ydyrysov «Úzdik jaýyngerler» atandy. Eńbek maýsymynyń aıaqtalýyna oraı «Suńqar» QazUÝ stýdentteriniń kásipodaǵy arnaıy uıymdastyrǵan «SSO-rarty» saltanatty sharasy jastardy úlken qýanyshqa bóledi.
