Stýdentterdi eńbekpen qamtý deńgeıi tómen bolyp otyr - Gúlshara Ábdiqalyqova
ASTANA. QazAqparat - Búgin Úkimet úıinde QR Premer-Mınıstriniń orynbasary Gúlshara Ábdiqalyqovanyń tóraǵalyǵymen joǵary oqý oryndaryn jańǵyrtý máseleleri boıynsha Komıssııanyń kezekti otyrysy ótti.
Bul týraly QR Premer-Mınıstriniń baspasóz qyzmetinen habarlady.
«Jastardy daıarlaýǵa jáne eńbekpen qamtýǵa basa nazar aýdarylady. Bul - bilim berý jáne halyqty jumyspen qamtý sferasyndaǵy basymdyqtardyń biri. Kimdi jáne qalaı daıarlaıtynymyzdy bilýimiz kerek», - dedi G.Ábdiqalyqova.
Vıtse-premer bastapqy kezeńde Komıssııa birqatar JOO-darynyń qyzmetin qaraǵanyn, problemalyq máseleler anyqtalǵanyn atap ótti, sáıkespeýshilikterdi joıý boıynsha eskertýler jasaldy. Odan ári Komıssııa túlekterdiń eńbek naryǵyndaǵy suranysqa ıe ekendigin, daıyn mamandar alǵan bilimderine sáıkes ózderin júzege asyra alatyndyǵyn anyqtaýǵa týra keledi.
«Komıssııa stýdentterdi eńbekpen qamtý qazirgi ýaqytta orta eseppen alǵanda 60%-dan tómen, al jeke JOO-darynyń eseptiligi túlekterdiń 84% eńbekpen qamtylǵanyn kórsetkenin anyqtady. Eńbekpen qamtý deńgeıi nege tómen ekendigin jáne naqty kórinisti taldaýymyz kerek», - dep basyp aıtty Gúlshara Ábdiqalyqova.
Komıssııa JOO-darynyń bilim berý standarttaryna sáıkestigine, túlekterdiń suranysqa ıe bolýshylyǵyna, ǵylymı-zertteý jumystaryna ınvestıtsııalarǵa jáne materıaldyq-tehnıkalyq bazaǵa qatysty qyzmetin zerttedi.
QR BǴM málimetinshe, elimizde mamandardy qaıta shyǵarý jáne gýmanıtarlyq jáne jaratylystaný-ǵylym profılindegi mamandardy qaıta shyǵarý baıqalýda. Barlyq mamandyqtardyń 61% qaıtalanady. Kadrlardaǵy óńirlik talaptardyń álsiz esebi, syrttaı oqý úlgisi eńbek naryǵynda suranysqa ıe emes mamandardy daıarlaýdyń tym kóptigine alyp keledi.
Sonymen qatar, JOO-darynyń sany tym kóterińki dep baǵalanady. Oǵan qosa, otandyq JOO-dary bilim berýdiń joǵary sapasyn ázirge kórsete almaı otyr. Kelesi jyldyń sońyna deıin Komıssııa respýblıkanyń birqatar JOO-daryn damytýdyń strategııalyq baǵdarlamasyn qaraýdy josparlap otyr. Indýstrııalandyrý kartasyna, óńirlerdiń áleýmettik damýy baǵdarlamalaryna, kadrlardyń suranysqa ıeligine jáne mamandardy daıarlaý baǵyttaryna sáıkes JOO-daryn irilendirý nemese olardy óńirlik mamandandyrýdy esepke ala otyryp, kolledjerge túrlendirý boıynsha usynystar ázirleý kútilýde
