Stýdentterdi daýys berýge májbúrleý faktisin ombýdsmen tekseredi

ASTANA. QazAqparat – Ǵylym jáne joǵary bilim mınıstri Saıasat Nurbek stýdentterdi saılaýǵa qatysýǵa májbúrleýge qatysty túsinik berdi, dep habarlaıdy QazAqparat tilshisi.

Saıasat Nurbek elordadaǵy №111 saılaý ýchaskesinde óz tańdaýyn jasady.

«Tarıhı turǵydan alyp qarasaq, eń kóp kandıdat tirkeldi. Ekinshiden, ózin-ózi usynǵan úmitkerlerdiń kóptigi. Májilis depýtattyǵyna kandıdattardyń 82%-y ózin-ózin usynǵandar. Al máslıhattarda 60%-dan astam. Bul saıası básekeniń ósýi men joǵary belsendilikti kórsetedi. Saılaýda ózim tanıtyn birqatar myqty azamattar túsip jatyr. Sonymen qatar saıası naýqanǵa reformalarǵa senbegen azamattar da qatysyp otyr, bul jaqsy nyshan. Belsendiliktiń ósýiniń belgisi. Saılaýǵa otbasymmen kelip óz tańdaýymyzdy jasadyq», - dedi Saıasat Nurbek saılaýda daýys bergen soń BAQ ókilderiniń saýalyna jaýap bere turyp.

Mınıstrdiń aıtýynsha, jastar saılaýǵa belsendi qatysyp jatyr.

«Saılaýda stýdentterdiń daýys berý máselesin óte qatań baqylaýǵa aldyq. Eshqandaı májbúrleý bolmaıdy. Bul maqsatta biz joǵary oqý oryndary basshylarymen jumys júrgizip, nusqaýlyq berildi. JOO-daǵy saılaý ýchaskelerinde talapqa saı tıisti jaǵdaı jasaldy. Stýdentterdi daýys berýge májbúrlegen jaǵdaıda mınıstrlik janynan byltyr qurylǵan ombýdsmen Aısulý Ernııazovaǵa tikeleı habarlasýǵa bolady. Ol stýdentterdiń quqyǵyn qorǵaıtyn ýákil. Ambýdsmen barlyq stýdenttik uıymdarmen tikeleı baılanysta», - deıdi S. Nurbek.