Stýdentterdi bopsalaǵan: Oralda birneshe qylmysqa kúdikti qyzdar ustaldy

ASTANA. KAZINFORM – Oral qalasynyń eki turǵyny birneshe qylmys jasady degen kúdikpen ustaldy. Bul týraly Polisia.kz jazdy.

— Tergeý derekterine sáıkes ótken jyldyń qazan aıynda kúdiktiler kolledj stýdentin óz shotynan 40 myń teńgeni aýdarýǵa májbúrlegen. Sonymen qatar tergeý barysynda ustalǵandardyń biriniń basqa da qylmystarǵa qatysy bar ekeni anyqtaldy. Ol mektep oqýshysynan aqsha bopsalap, kolledj stýdentiniń qarajatyn ıemdenip, sondaı-aq basqa stýdenttiń uıaly telefonyn urlap, ony lombardqa ótkizgen, — dep jazdy QR ІІM.

Atalǵan derek boıynsha qylmystyq is qozǵaldy. Kúdiktiler ýaqytsha ustaý ızolıatoryna qamaldy.

Eske sala keteıik, buǵan deıin Astanada SOBR qyzmetkerlerine shabýyl jasalyp, polıtsııa is qozǵaǵanyn jazǵan bolatynbyz.