Stýdentter joǵary shákirtaqyny qandaı jaǵdaıda alady
«Shákirtaqyny 30 paıyzǵa deıin kóterý áleýmettik tapsyrysty oryndaý arqyly júrgizilýde. Bul turǵyda volonterlik qozǵalysqa qatysty bolyp tur, ıaǵnı repetıtorlyqta kómek kórsetetin, qarttar úılerinde, balalarmen jumys isteıtin, sondaı-aq basqa da salalarda áreket etetin stýdentter qamtylmaq», - dedi mınıstr elordadaǵy kópbalaly analarmen kezdesý barysynda.
Sonymen qatar, vedomstvo basshysy oqý baǵdarlamalaryn ózektilendirý taqyrybyna toqtaldy.
«Qazirgi kezde birinshi kezekte ІT-salasyna, robototehnıka, balalardyń fýntsıonaldyq saýattylyǵyna ekpin qoıylyp otyr. Atap aıtqanda, balanyń óz bilimin jumysynda paıdalana bilýi mańyzdy. Al kásibı-tehnıkalyq oqý oryndary men JOO-larda oqý baǵdarlamalaryn ózektilendirý - ol eńbek naryǵynyń talaby», - dedi K. Shámshıdınova.
Bul turǵyda bıyldan bastap zańnama boıynsha JOO-larda bakalavrıattyń 80 paıyzyna deıin, magıstratýranyń 90 paıyzǵa deıin jáne doktorantýranyń 95 paıyzyna deıin derbes ózderiniń oqý baǵdarlamalaryn qaıta qaraı alady.
«Al kolledjderge qatysty biz osy jumystardy qazirgi kezde atqarýdamyz. Osy oraıda basty maqsat - ol dýaldy oqytý, ıaǵnı kásipkerlerdi bizdiń oqý baǵdarlamalaryna kóbirek tartý», - dedi mınıstr.
Esterińizge sata keteıik, jyl basynda Elbasy Nursultan Nazarbaev Úkimetke volonterlikpen aınalysatyn JOO stýdentteriniń shákirtaqysyn 30 paıyzǵa arttyrýdy tapsyrdy.
