Stýdentter jataqhanadan oryn alýǵa onlaın ótinish bere alady

ASTANA. KAZINFORM – Tsıfrlyq tehnologııalardy engizý túrli salalarda tıimdilikti arttyryp, azamattar men memleket úshin resýrstardy únemdeýge jol ashyp jatyr. Bul týraly Ortalyq kommýnıkatsııalar qyzmetinde ótken baspasóz máslıhatynda QR Tsıfrlyq damý, ınnovatsııalar jáne aeroǵrysh ónerkásibi vıtse-mınıstri Mýn Dmıtrıı Andreevıch málimdedi.

Ol óz sózinde bilim berý salasynda talapkerler úshin Joǵary oqý oryndaryna túsý úrdisi tolyǵymen onlaın formatqa kóshirilgenin aıtty. Sonymen qatar qyzmetter eGov portaly men Joǵary bilim berýdiń biryńǵaı platformasy arqyly qoljetimdi ekenin, talapkerler jataqhanadan oryn alýǵa da, emhanaǵa tirkelýge de ótinish bere alatynyn atap ótti. 

– Bul sheshimder azamattardyń kólik shyǵyndaryn azaıtýǵa múmkindik berdi. Jyl saıyn 300 mln teńgege deıin únemdelip otyr. Sonymen qatar Ulttyq biryńǵaı testileýdiń qaǵaz sertıfıkatyn berý alynyp tastalyp, protsess avtomattandyryldy. Bul baǵytta jyl saıyn 83 mln teńge únemdelýde. Jalpy, protsesterdiń tıimdiligi shamamen 90 paıyzǵa jetti. Sebebi kóptegen kezeńder qysqartylyp, avtomattandyryldy. 2023 jyldan beri 26 myńnan astam ótinish qaraldy, – dedi vıtse-mınıstr. 

Aıta keteıik, tsıfrlandyrý tek qana únem emes, sonymen qatar azamattarǵa kórsetiletin qyzmetterdiń sapasyn arttyrýǵa jáne ashyqtyǵyn qamtamasyz etýge baǵyttalǵan.

Eske salaıyq, Premer-mınıstr Oljas Bektenov Memleket basshysynyń jasandy ıntellektini damytý máseleleri jónindegi keńeste bergen tapsyrmalaryn júzege asyrý boıynsha Tsıfrlyq shtab otyrysyn ótkizgen.