Stýdentter - ultymyzdyń bolashaq zııatkerlik elıtasy - Prezıdent Ákimshiligindegi Qazaqstan halqy Assambleıasy hatshylyǵynyń keńesshisi
Bul týraly Prezıdent Ákimshiligindegi Qazaqstan halqy Assambleıasy hatshylyǵynyń keńesshisi Janar Shókeeva Qazaqstannyń Stýdentter alıansy sletiniń aıasynda keshe L.Gýmılev atyndaǵy Eýrazııa Ulttyq ýnıversıtetinde ótken «Qamqor» eriktiler qozǵalysy sletine qatysýshylarǵa arnaǵan sózinde aıtty.
«Osynaý qozǵalysqa atsalysýǵa ázir jastarymyzdyń kóptigi qandaı jaqsy. Meniń oıymsha, elimizdiń keleshegi senimdi qolda», dedi J.Shókeeva óz sózinde. Elimizde kómekke muqtaj jandardyń kóp ekenin atap kórsetken J.Shókeeva, qazaqstandyq stýdentterdiń «Qamqor» qozǵalysyna qatysýy olardyń izgilikke jáne qaıyrymdylyqqa degen ynta-yqylastaryn pash etetinin jetkizdi.
«Qamqor» eriktiler qozǵalysy Qazaqstannyń Stýdentter alıasy men Qazaqstan halqy Assambleıasynyń aǵymdaǵy jyldyń aqpan aıyndaǵy birlesken sheshishimen qurylǵan bolatyn. Eriktiler qozǵalysynyń mindeti - múgedekterge, soǵys jáne eńbek ardagerlerine, zeınetkerlerge jáne basqa da muqtaj jandarǵa qajetti kómek kórsetýmen aınalysatyn stýdenttik eriktiler jasaqtaryn qurýmen jáne olardyń jumystaryn úılestirýmen aınalysý.